ताजी बातमी

गुंतवणूकदारांना करोडो रुपयांचा चुना लावून फरार झालेल्या गुडविन ज्वेलर्सचा मालक सुनीलकुमार आणि सुधीशकुमार अकरकारण या दोघा भावांच्या चालकाकडे ठाणे आर्थिक गुन्हे शाखेने चौकशी सुरू केली आहे. या चालकाकडून गुडविनविषयीची महत्त्वपूर्ण माहिती समोर येण्याची शक्यता पोलिस अधिकाऱ्यांनी व्यक्त केली. आरोपींचा शोध घेण्यासाठी पोलिसांची काही पथकेही तयार करण्यात आली आहेत. आयएसओ प्रमाणित असलेली गुडविन प्रायव्हेट लिमिटेड कंपनीची मुंबई, ठाणे, पालघर जिल्ह्यासह पिंपरी-चिंचवडला ज्वेलर्सची दुकाने असून केरळमध्येही दुकान थाटण्यात आले आहे. मात्र, रातोरात दुकान बंद करून गुडविन ज्वेलर्सचा मालक गायब झाल्याने गुंतवणूकदारांचा जीव भांड्यात पडला आहे. ग्राहकांचे करोडो रुपयांचे पैसे गुडविन ज्वेलर्सच्या विविध योजनांमध्ये अडकले आहेत. मालकांविरुद्ध गुन्हे दाखल झाले असून अद्याप मालकांचा शोध लागलेला नाही. पोलिसांनी दुकाने सील केली आहेत. मात्र, दुकानात सोन्याचा मुद्देमाल आहे की नाही कोणालाच माहिती नाही. आवश्यक सोपस्कर पार पाडल्यानंतर पुढील जप्तीची कारवाई होण्याची शक्यता आहे. आतापर्यंत ग्राहकांची करोडो रुपयांची फसवणूक झाली असून तक्रारीसाठी नागरिकांचा ओघ अद्याप थांबलेला नाही. मात्र, दुकानाच्या उद्घाटनावेळी सेलिब्रेटींना बोलावून मोठा थाटमाटही करण्यात येत असल्याची माहिती पुढे आली आहे. बॉलिवूडमधील काही नामांकित सेलिब्रेटींनी उद्घाटनाला हजेरी लावली होती. शोरूमला टाळे लावून फरारी झालेल्या गुडविनच्या मालकांचा शोध घेण्यास पोलिसांना यश आले नाही. त्यामुळे ठाणे आर्थिक गुन्हे शाखेने अकरकारण बंधूकडे काम करणाऱ्या ड्रायव्हरकडे चौकशी सुरू केली आहे. दोन ते तीन ड्रायव्हरकडे चौकशी करण्यात येत असल्याची माहिती आर्थिक गुन्हे शाखेतील एका अधिकाऱ्याने दिली. त्यामुळे अकरकारण बंधूंमध्ये नेमकी काय चर्चा होत होती, दुकान अचानक बंद केले का? अगोदरपासून नियोजन होते? शिवाय दुकानातील माल दुसरीकडे हलवून दुकानांना टाळे लावण्यात आले का, आदी अनेक प्रश्नांची उत्तरे ड्रायव्हरकडून मिळवण्याचा प्रयत्न आर्थिक गुन्हे शाखा करत आहेत. आरोपी कोठे पळून जाऊ शकतात याचीही माहिती काढण्यात येत आहे

 

सोशल मीडिया प्रेसिडेंट

हवामान अंदाज

जाहिरात

लाइव्ह क्रिकेट स्कोअर

स्टॉक मार्केट | सेन्सेक्स

जाहिरात