ताजी बातमी

मुंबई महापालिकेच्या विविध बँकांमधील मुदत ठेवींचा आकडा फुगत चालला आहे. यंदाच्या जुलैपर्यंत ठेवींनी ८० हजार कोटींची वेस ओलांडली आहे. या ठेवींवर पालिकेला तीन ते चार हजार कोटींचे घसघसशीत व्याज मिळते आहे.

पालिकेने कॅनरा बँक, स्टेट बँक ऑफ इंडिया, पंजाब अँड सिंध बँक, इंडियन ओव्हरसीज बँक, सिंडिकेट बँक, कॉर्पोरेशन बँक, ओरिएंटल बँक यासह विविध बँकांमध्ये मुदत ठेवी आहेत. त्यावर दरवर्षी सात ते आठ टक्के व्याज मिळते. या मुदत ठेवींमध्ये मागील दीड ते दोन वर्षात तब्बल १२ हजार कोटींची वाढ झाली आहे. जून २०१७मध्ये विविध बँकांमध्ये ६४ हजार ४८२.६४ कोटींच्या ठेवी होत्या. ३१ मार्च २०१९पर्यंत त्या ७६ हजार ५७९ कोटींवर गेल्या. त्यानंतर आता जुलै २०१९पर्यंत या ठेवी ८० हजार कोटींवर पोहोचल्या आहेत.

मुदत ठेवींमधील २१ हजार कोटी कंत्राटदारांची अनामत रक्कम, पालिका कर्मचारी, अधिकारी यांचा भविष्य निर्वाह निधी, ग्रॅच्युईटीच्या आहेत तर उर्वरित ५५ हजार कोटी हे कोस्टल रोड, गोरेगाव-मुलुंड लिंक रोड, सांडपाणी प्रक्रिया प्रकल्प, गारगाई, पिंजाळ हे प्रस्तावित पाणी प्रकल्पांसाठी ठेवण्यात आल्याचे पालिका प्रशासनाने स्पष्ट केले आहे. पालिकेची राज्य सरकारकडे विविध करांपोटी तब्बल ४३३१.३४ कोटींची थकबाकी प्रलंबित आहे. ही थकबाकी मिळाली की ती विविध विकासकामांसाठी वापरता येणे शक्य असल्याचे पालिकेने म्हटले आहे.

 

सोशल मीडिया प्रेसिडेंट

हवामान अंदाज

जाहिरात

लाइव्ह क्रिकेट स्कोअर

स्टॉक मार्केट | सेन्सेक्स

जाहिरात